Ugali ng mga gustong bumoto

Comelec Twitter

May “sakit” daw o mas akmang sabihing may ugali ang ilan sa mga Pilipinong nasa majority age na kapag araw na ng eleksyon ay gustung gusto nang makaboto, ngunit sa pagkahaba-haba ng registration period ay hindi naman nagpaparehistro.

Sa tala ng Commission on Elections, napakarami pa ng mga hindi pa nakapagpapatala kahit na mayroon na ngang “Mandatory Satellite Registration Center” sa bawat barangay o sa ilan pa ngang pook sa barangay. Mas makatotohanan ito kung pag-uusapan ang Overseas Absentee Voting registration; kasi naman daw, ayon sa overseas Filipino workers, wala namang nababago sa gobyerno natin. “Useless” at pag-aaksaya lang daw ng panahon ng OFW ang pumunta sa embahada/registration center para magpatala bilang Overseas Absentee Voter. Patuloy anila ang gawi ng mga kurakot, ang pagtaas ng pamasahe at mga bilihin, at ang bulok umanong sistema ng mga pulitiko. Kung mababa ang bilang ng mga nagpaparehistro sa OAV, lalo pa itong bumababa kapag dumating na ang ilang linggong pagkakataong makaboto mula sa ibayong-dagat. Ang totoo sa “sayang” ay ganito: sayang ang preparasyon ng Comelec, sayang ang batas na nagbibigay-karapatan sa mga Pilipino sa labas ng bansa na makilahok sa pagpili ng mga halal na opisyal, at sayang ang kabuuang budget na nailalaan sa Comelec, Department of Foreign Affairs, at ilang sangay pa ng pamahalaan.

Balik sa Pilipinas. Narito ang halimbawa ng pagpapaala ng Comelec para sa mga susunod na botante ng iba’t ibang barangay sa Marilao, Bulacan na kailangan munang magpatala ilang buwan bago ang October 23, 2017 Barangay and SK Elections:

Comelec_Marilao_Satellite_Registration_Sked_MegaManilaScene_20170227

Heto ang halimbawa ng Acknowledgment Receipt mula sa Comelec – San Pedro City, Laguna na tatanggapin ng isang taong nagsadya sa himpilan ng Comelec (registration center o City Hall) at nag-fill up ng form (transfer form naman sa ibang botante). Batay sa karanasan ng mga nagtungo sa Barangay Maharlika Satellite Registration Center sa plasa ng Adelina Complex 2, kung walang aberya, kulang-kulang 15 minuto ay tapos na agad ang registration formalities at matatanggap na agad ng nagpatala ang ganitong kapirasong papel:

Maharlika_Comelec_Registration20170317

BrgyMaharlikaComelecRegistration_MegaManilaScene_2017017

Nawa’y huwag mahirapan at tuluyang makahabol sa registration ang mga gustong bumoto sa Oktubre (o kung kailan man iyan). Pero sa iba, para hindi na mahirapang humabol at maglaan ng araw ay hindi na lamang magpaparehistro. MA-SA-KIT tanggapin ang katotohanang nasa atin ang desisyon o kawalang desisyon sa pagpili ng mga karapat-dapat na pinuno mula barangay at lokal hanggang nasyunal…iyon pala ang tinatawag na isa sa mga “sakit” kada eleksyon. DC Alviar

Comelec homepage

Screenshot mula sa website ng Comelec, ika-5 ng Abril 2017

Comelec Facebook

Screenshot mula sa Facebook account ng Comelec, ika-5 ng Abril 2017

Comelec-KEBS Twitter

Screenshot mula sa Twitter account ng Comelec

Comelec Spokesperson's Facebook

Meron ding bagong gawang Facebook account ang tagapagsalita ng Comelec simula nitong ika-3 ng Abril 2017 (screenshot sa itaas). Tuloy ang preparasyon sakaling matuloy ang Barangay and Sangguniang Kabataan Elections.

Mga lalaking sekyu talbog sa babaeng basketbolista

Bantay-marino sa hardcourt ang mga guwardiya ng National University dahil nais nilang makaagpas sa anim na palitan ng lamang (6 lead changes) sa fourth quarter, ngunit nakahanap sila ng katapat hanggang mapataob sila ng isang babae nang pangunahan niya ang ITRO/Admin sa paggapi sa Security Snipers, 95-86, sa HR-sponsored NU Community 1st Basketball Conference sa NU gym kagabi.

Matapos malamangan ng anim sa third period, 59-65, tumabla ang Snipers, 75-75 at 80-80.

Ngunit nagbago ang timpla ng laro sa huling buslo ni ex-Lady Bulldog Jelline Batnag, 84-84, nang may nalalabing dalawang minuto na lamang at mapasakamay ng ITRO/Admin triumvirate Batnag, Mythical 5 member JP Marcelino at Arch. Leo Mamaradlo ang momentum para hindi na sila mahabol at mapalobo pa nila ang lamang sa siyam.

Ikinatuwa at ikinamangha ng mga manunuod ang gitgitang laban mula pa noong simula ng second half nang batian sila ng nothing-but-net jumper ni Sir Nani Garcia, 50-44, at back-to-back triples ni Ciriaco Pacayde na nasundan pa ng kanyang pwersadong pasok, 56-59, para matapyas ng Snipers ang lamang sa tatlo.

Sa tres ni Hilario Butcon nagliyab ang makailang palitan ng lamang at ito rin ang unang pagkakataong makabalik sa porma ang mga sekyu.

Pero mas mapoporma ang mga taga-ITRO/Admin sa tulong na rin ng mga half-court setup nila Sir Richie Ocampo, na bumawi sa followup at steal ni Reynante Sas.

Abante pa rin ang Snipers, 74-73, sa isang tagpo ng fastbreak kung saan malakas ngunit saktong kumagat ang pektus at pumasok ang tira ni Ocampo.

Patay-sindi ang ningning ni Marcelino; matapos siyang makapag-buzzer-beater three-point shot na pagkalayu-layo, natawagan naman siya ng charging. Mabuti’t eksperto sa freethrow si Marcelino ‘pagkat dikitan ang sagupaan bagama’t minsang nakasukbit ng apat na sunod na offensive rebounds ang malalakas mamuwersa sa loob na Snipers.

Halos perpekto rin sa foul throw si Mamaradlo sa kabuuan ng torneong nagmula pa noong Pebrero na nilahukan din ng mga koponang NU Nazareth School, Faculty, Maintenance, at Engineering na pumangatlong pwesto.

Galing sa timeout nang meron na lamang 54 segundo ang natitira, umabante na nang husto ang ITRO/Admin sa naiwang bukas sa perimeter offense  na si Batnag na nakilala ring may championship ring sa UAAP at napanuod din sa PBA 3×3 sa kababaihan bilang kasapi ng Blackwater Elite.

Bago ang kampeonato sa sportsfest ng mga empleyado, pinahirapan din ni Batnag at ng kanyang koponan ang kanilang Final 4 opponents. Meron siya noong back-to-back fastbreak points, dalawang sunod ding duty foul, maging sa loose ball foul niya laban kay Engr. Tony Paez, mga hustle at honest defense.

Tila dagdag-selebrasyon sa Buwan ng Kababaihan sa Pilipinas ang pagkampeon ng isang babaeng katulad ni Batnag na ginawa ang lahat huwag lang patalo sa larangan ng palakasan at makipagbanggaan sa mga basketbolistang lalaki sa kanyang komunidad gaya ng kanyang naipamalas sa NU.

Jelline Batnag

Photo Credit: PBA Facebook account

Batnag FB

Photo Credit: Batnag Facebook account

20170328_204108

20170328_204040.jpg

20170328_204307

20170328_193945

Half-mast in Philippine Senate (Photos)

MegaManilaScene_DCAlviar_20170322

HALF-MAST ang bandila o nasa kalahati lamang ito ng flag pole sa halip na nasa tuktok. Pagpapakita ito ng pakikiramay o kalungkutan at gayundin ang pagbibigay ng huling galang sa isang kilalang taong pumanaw na katulad ng larawang kuha mula sa Gusali ng Senado sa Lungsod ng Pasay na nakikiisa sa pagdadalamhati ng sambayanan sa pagkamatay ng dating Senador Leticia Ramos-Shahani.

MegaManilaScene_DCAlviar_20170322_12

Hindi na naabutan ng mga kabataang milenyal ang kahusayan sa paglilingkod ni Shahani bilang senador, at mas maaga pa siyang nakapaglingkod kaysa sa apat na Pangulo ng Senado na may tag-iisang portrait na nakadisplay sa Public Assistance Center (Senate). DC Alviar

MegaManilaScene_DCAlviar_2017

Estero De San Miguel cleanup (Photos)

MMDA_cleans_up_estero_MegaManilaScene2_20170315_091019

“KUNG ESTERO’Y MALINIS, SAKIT AY MAAALIS,” isang paalalang nakapaskil sa Estero de San Miguel sa P. Casal Street sa Maynila. Nililinis ng mga tauhan ng MMDA ang bahaging ito ng estero na inaasahang tone-tonelada na naman ang mahahakot na basura.

MMDA_cleans_up_estero_MegaManilaScene20170315_090936

Photos were taken by DC Alviar on March 15, 2017. First published on page 17 of Mega Scene (ISSN: 2508-0458) at https://megamanilascene.wordpress.com/2017/03/15/mega-scene-vol-1-issue-10/